Ерлан Қошанов, төрағасы, Сауран ауданының жастарымен кездесті. Жаңа Иқан ауылындағы «Али-Нұр» шаруа қожалығында өткен басқосуда еркін форматта ашық диалог орнады. Ерлан Жақанұлы ауыл жастарына, диқаншы, егінші шаруаларға бағдарламадағы жастарды қолдау, ауылды дамыту бағытында атқарылатын жұмыстарды түсіндірді.
Мүшелеріміз Кентау трансформатор зауыты АҚ ұжымымен кездесу өткізді. Басқосуға Халықтық коалиция атынан Президенттікке үміткер Қасым-Жомарт Кемелұлы Тоқаевты қолдау жөніндегі республикалық қоғамдық штаб мүшелері сайлауалды бағдарламаның негізгі бағыттарына тоқталды. Насихатшылар «Әділетті мемлекет – әділетті экономика – әділетті қоғам» қағидатына негізделген Президент реформаларының маңызын кеңінен түсіндіре отырып, жиылғандардың талап-тілектерін тыңдады.
Республикалық қоғамдық штаб мүшелері Түркістан облысында Қасым-Жомарт Тоқаевтың сайлауалды бағдарламасындағы басымдықтарды түсіндірді. Штаб мүшелері рухани астана Түркістанның дамуы жолындағы бастамалар мен атқарылып жатқан жұмыстарға оң бағасын берді. Ерлан Жақанұлы алдағы уақытта өнімді жұмыс атқаратын заманауи еңбек нарығы құрылатынын, бұл халықты барынша жұмыспен қамтуға, әлеуметтік топтардың арасындағы алшақтықты азайтуға және өңірлердің мейлінше бірдей дамуына мүмкіндік беретінін айтты.